Е-библиотека за современо студирање

Е-библиотеката е сервис за студентите на УГД кој е достапен веќе две години, а од оваа студиска година е-библиотеката на УГД за своите студенти овозможи многу поедноставна и интерактивна апликација преку која со лесна навигација пристапувате до  електронски библиотечен фонд неопходен за квалитетно студирање.

Е-библиотека на Универзитетот „Гоце Делчев“ е сервис кој ги следи потребите на новиот и современ начин на студирање и е креиран целосно во прилог на студентите и вработените на Универзитетот.

Универзитетската Е-библиотека ги собира на едно место изданијата на сите 13 факултети и придружни институти кои функционираат во состав на Универзитетот.

Сите важни изданија, учебници, учебни помагала и стручни прирачници се достапни за оние кои имаат најголема потреба од нив, нашите студенти.  

На дигиталните полици во Е-библиотека ќе пронајдете голем број електронски изданија на стручна литература што ви е потребна. Електронскиот библиотечен фонд постојано се збогатува, со што се зголемува и слободниот пристап кон стручната литература.

Преку сервисот Е-библиотека, Универзитетот „Гоце Делчев“ на своите студенти им обезбедува брз, едноставен и бесплатен пристап до потребната литература.

Покрај изданијата на УГД, Е-библиотека содржи и база на линкови и информации кои ќе ве однесат до најпознатите е-библиотеки за стручна литература во светот и ќе ви овозможат користење на бесплатни е-книги.

Е-библиотека за современо студирање!