Универзитетскиот спортски и културен центар при УГД, во соработка со Планинарското друштво „Лисец” – Штип, ќе учествува во Планинарската тура и спелеолошка акција посета на пештера ЌУП на планината Плачковица, која ќе се реализира во рамките на Outdoor festival „Ја сакам Плачковица” 2024 .
Оваа тура се организира во сабота, 13 јули 2024 год.
За учесниците од УГД тргнувањето е организирано во 8.30 часот пред Спортска сала „Јордан Мијалков“ – Штип, со организиран превоз на УГД.
Предвидено е поаѓање од Планинарскиот дом „Вртешка“, посета на пештерата ЌУП, должина на патеката е 8 км во двата правци. Време на искачување околу 1 час, време за враќање назад 1 час.
Секој учесник треба да има соодветна опрема:
- спортска патики или чизми за качување;
- ранец и планинарски стапчиња;
- удобна спортска опрема, по можност памучна или слоевита маица;
- шушкавец или дуксер;
- кабаница, капа, очила за сонце;
- вода 1 л;
- храна, пожелно е да се има еден оброк (по свој избор).
Патеката за оваа планинарска тура е рамна, со мали угорнини и добро е одбележана и истата се категоризира како лесна патека.
Сите заинтересирани студенти и вработени на УГД може да се пријават за учество на Планинарската тура Плачковица најдоцна до 10 јули 2024 год. (среда) до 12 часот, на следнава е-пошта и телефонски број.
Е-пошта: vanco.barbareev@ugd.edu.mk
Тел. број: 072/252-052
Потребни податоци за пријавување:
- име и презиме;
- ден, месец и година на раѓање;
- телефонски број;
- патувам со организиран превоз на УГД или со сопствен превоз.
Котизацијата за учество и превозот ќе бидат покриени од страна на Универзитетски спортски и културен центар.
