Име и презиме: Дарио Здравев
Факултет и студиска насока: Дипл. земј. инж. агроном – Енолог, Земјоделски факултет
Тековна професија: Агроном инженер
Место на вработување: Винарија Шато Сопот – Велес
Животно мото: Моќта е во знаењето.
Позиција на која работам денес:
Агроном во Винарија Шато Сопот – Велес. Нашите лозови насади се простираат на површина од 1000 декари.
Мојот рецепт за успех се состои од:
Трпеливост, мотивација и љубов кон професијата во комбинација со самодовербата, се патоказ на мојот пат до успехот.
Најголеми предизвици на патот до успехот ми беа:
Како млад агроном, според мене, најголем предизвик е стекнувањето искуство. Со учењето од сопствените грешки, стануваш подобар, а со тоа и поискусен во работата. Својот став и погледот кон професијата го градиш од искуството, бидејќи теоријата секогаш треба да биде практично применлива за да има резултати и успеси од студирањето.
Со УГД се дружев:
Со УГД се дружев 4 години. Да студираш на УГД навистина е голема привилегија. Тимот од професори при Земјоделскиот факултет даваат сѐ од себе студентите да ги насочат на вистинскиот пат. Нивната посветеност и несебичност да го пренесуваат своето знаење на студентите, вродува со плод
Факултетот и насоката ги избрав затоа што:
Мојот татко е агроном, па од него ја наследив љубовта кон оваа професија. Македонија има одлична клима за одгледување на винова лоза, со големи површини под лозови насади. Наша задача како млади агрономи е оваа: Наследство да го чуваме, негуваме и обработуваме. Да создаваме плод од кој ќе се произведува врвно вино!
Како клучна предност на студиите на УГД ги издвојувам:
Можноста да учиш од професионалци!
Практиката на УГД, како составен дел од студиите, ја остварив во:
Мат-Реклам Агро – Велес, Винарија Езимит – Штип
Од студиите на УГД, за развој на успешна кариера најмногу ми помогна:
Најмногу ми помогнаа професорите, нивната посветеност, стручните совети, теоретската настава во комбинација со наставата на терен.
Совет за младите како идни студенти:
Учете од најдобрите, чекорејќи по нивниот пат, успехот ќе Ви биде загарантиран!
