Име и презиме: Надица Бајрактарова
Факултет и студиска насока: Земјоделски факултет, Биологија – прв циклус, Безбедност на храна – втор циклус
Тековна професија: Дипломиран биолог
Место на вработување: Училиште во Општина Струмица
Животно мото:
Секој ден е нова прилика да се направи еден чекор напред.
Позиција на која работам денес:
Наставник по биологија и природни науки
Мојот рецепт за успех се состои од:
Цврста дисциплина, континуирано учење и добра организација. Кога ќе го комбинирате тоа со љубовта кон науката, успехот е загарантиран.
Најголеми предизвици на патот до успехот ми беа:
Еден од најголемите предизвици беше раниот период на студиите кога требаше да се навикнам на новото темпо и да ги балансирам академските обврски со личните и социјалните аспекти. Но, со време научив како да се организирам подобро.
Со УГД се дружев:
Со УГД се дружев четири убави години, а сега продолжувам и петта година по ред како студент на втор циклус студии.
Факултетот и насоката ги избрав затоа што:
Отсекогаш ме фасцинираше животот и сите негови аспекти. Биологијата ми понуди можност да ги истражувам природните процеси на живите организми и да ги разберам темелните механизми што ја одржуваат природата во баланс.
Како клучна предност на студиите на УГД ги издвојувам:
Една од најголемите предности на студиите на УГД е користењето на современите електронски платформи, кои го олеснуваат процесот на учење и комуникација со професорите. Важно е тоа што потребата од хартиени документи е минимална, што ја прави организацијата на студиите многу поефикасна и современа. Овие дигитални алатки ми овозможија да имам пристап до материјали и ресурси кога и да ми се потребни, што ми го олесни учењето и го зголеми моето време за концентрација на самата содржина. Секако, морам да ја напоменам и комуникацијата со професорите, кога имаш некој што постојано ти стои на располагање, сѐ друго е многу полесно.
Практиката на УГД, како составен дел од студиите, ја остварив во:
Лабораторија за растителна биотехнологија во Наставен центар – Струмица при Земјоделскиот факултет, УНИЛАБ – лабораторија при Земјоделскиот факултет, МИК – Свети Николе.
Од студиите на УГД, за развој на успешна кариера најмногу ми помогна:
Електронските платформи на УГД и одличната комуникација со професорите играа клучна улога во мојот академски развој. Платформите овозможуваат лесен и брз пристап до учебни материјали, задачи и објави, што значително ја подобрува организацијата и учењето. Професорите секогаш се достапни и подготвени да помогнат, што ми овозможи да добијам јасни насоки и поддршка во секој момент. Оваа активна комуникација и поддршката ми помогнаа да ги развијам своите вештини и да се подготвам за успешна кариера.
Совет за младите како идни студенти:
Бидете упорни и не плашете се да поставувате прашања! Студирањето е процес на откривање, па искористете го максимално за да се развивате како личности и да научите не само од книгите, туку и од искуствата што ги стекнувате.
