Име и презиме: Давид Арсов
Факултет и студиска насока: Економски факултет, Бизнис економија
Тековна професија: Дипломиран економист од областа на бизнис економија
Место на вработување: „Адиент“
Животно мото: „Поставете јасни и конкретни цели кои ги одразуваат вашите соништа и амбиции“.
Позиција на којашто работам денес: Материјален координатор во Логистика
Мојот рецепт за успех се состои од: Успехот често започнува со позитивен начин на размислување. Позитивната мисла создава оптимизам и верба во сопствените способности, што може да помогне да се соочиме со предизвиците и да пронајдеме решенија наместо да се фокусираме на проблемите. Поставувањето на конкретна цел е исто така клучен елемент. Кога се посветуваме на значајна и вредна цел, тоа ни дава јасна насока и не мотивира да работиме кон неа со страст и посветеност. Јасните цели ни овозможуваат да ги измерите нашите успеси и да го следиме нашиот напредок. Сепак, позитивното размислување и јасните цели се само дел од формулата за успех. Акцијата е таа што ги движи работите напред. Преземање акција значи дека ги имплементираме нашите планови, ги адаптираме стратегиите според ситуацијата и остануваме фокусирани додека не ги постигнеме посакуваните резултати.
Најголеми предизвици на патот до успехот ми беа: Животот ни носи предизвици секој ден, без разлика дали сме свесни за нив или не. Успехот, кој многу често го замислуваме како лесно остварлива цел, всушност, е резултат на долг и сложен процес полн со пресврти и неочекувани пречки. Еден од најголемите предизвици е можноста да се биде дел од компанијата „Адиент“ -глобален лидер во автомобилски седишта. Оваа можност не само што ми дозволува да работам во окружување кое функционира според најсовремени светски стандарди и принципи, туку и ми овозможува личен и професионален развој. Верувам дека работата во ваква динамична и иновативна средина ќе ми помогне да придонесам кон унапредување на производите и процесите, истовремено градејќи успешна кариера во автомобилската индустрија.
Со УГД се дружев: 4 години.
Факултетот и насоката ги избрав затоа што: Јас тргнав од тезата: „Секое претпријатие креира додадена вредност во едно општество“. Претпријатијата создаваат работни места, произведуваат добра и услуги, генерираат приходи кои придонесуваат за економскиот раст и благосостојба на едно општество. За да се разбере како функционира едно претпријатие во економијата, неопходно е да се изучуваат различни аспекти на економијата, бизнисот, менаџментот. Економскиот факултет игра клучна улога во овој процес, нудејќи образование кое комбинира теоретски и практични знаења. Оваа образовна институција се стреми да ги исполни современите светски и европски научни и стручни стандарди. Економскиот факултет им овозможува на студентите да стекнат широко и сеопфатно знаење, што е неопходно за успешното решавање на секојдневните предизвици во работењето. Студентите се обучуваат да анализираат економски ситуации, да разберат бизнис процеси и да развијат стратегии за подобрување на ефикасноста и конкурентноста на претпријатијата. Покрај теоретските предавања, Економскиот факултет обично вклучува практична обука преку проекти и работилници. Ова им овозможува на студентите да применат своите знаења во реални ситуации и да се подготват за идните кариери во бизнисот и економијата.
Како клучна предност на студиите на УГД ги издвојувам: Наставна програма поддржана со современи книги од меѓународни универзитети и следeње на тековните општествени барања, што им овозможува на студентите да се стекнат со актуелни знаења. Двонасочната комуникација помеѓу наставничкиот кадар и студентите која е клучна за ефективно учење и развој, овозможувајќи размена на идеи и мислења. Организација на бројни семинари, обуки и курсеви, како пример: „Биди претприемач“, „Beyond Silicon Valley: Growing Entrepreneurship in a Global Crisis“, кои нудат дополнителни можности за студентите. Соработка со компании од приватниот сектор каде што студентите имаат можност да се запознаат со реалните деловни процеси. Оваа врска помеѓу академската заедница и индустријата е од клучно значење за обезбедување на образование кое е релевантно и применливо во пракса.
Праксата на УГД, како составен дел од студиите, ја остварив во: N/A
Од студиите на УГД за развој на успешна кариера најмногу ми помогна: Неизмерна е благодарноста до целиот колектив во факултетот и нивниот ангажман за креирање на една средина во која примарната цел е креирање на квалитетен образовен кадар. За време на студискиот циклус имав можност да се стекнам со теоретско знаење од страна на професорскиот тим, воедно и да направам паралела преку практични примери и преку изработка на студии на случај, кои имаа за цел да ја поттикнат и развијат истражувачката способност. Покрај регуларната настава, благодарение на соработката на Економски факултет со приватниот сектор, имав можност да посетам и воочам како функционираат одредени компании, како и да запознаам професионалци од различни сектори и сето тоа искуство да го применам во стартот на градење на кариера.
Совет за младите како идни студенти: Несебично вложувајте во себеси, искористете ја секоја можност која ви се нуди и извлечете го најдоброто од неа. Останете фокусирани. Секогаш ставајте се себеси на прво место и правете го она што е најдобро за вас. Дефинитивно бидете сериозни за тоа каква сакате да биде вашата иднина. Не плашете се да поставувате прашања. Научете да прифаќате промени.
