Со одржување на првиот состанок беше означен стартот на проектот „Game, Set, Equality“ (проект № 101134022 — Game Set Equality — ERASMUS-SPORT-2023), кофинансиран од Еразмус + програма на Европската Унија. Состанокот беше одржан на 23 ноември 2023 година во Софија (Р. Бугарија) и на него учествуваа претставници на Универзитетот „Гоце Делчев“ – Штип и на Спортскиот клуб „Дема“ (Dema), кој е и координатор на проектот.
Проектот „Game, Set, Equality“ има за цел да ги охрабри жените и девојките да се вклучуваат во спортот како тренери и менаџери на спортски клубови и конкретно во тенисот и активно да учествуваат во промоцијата на тенисот меѓу женската популација. Меѓу другото, проектот има цел да ги промовира и заштити жените во процесот на обука, тренинг, како судии на повисоко ниво во тениските клубови, да ја подигне свеста за придобивките од процесот на тренирање, како и да се зголеми бројот на жените тренери и судии во тенис и менаџери на тениски клубови.
