„2024 година беше успешна година за Универзитетот „Гоце Делчев“. Универзитетот стана дел од Eвропската алијанса, го прошири бројот на студиски програми на англиски јазик, а воедно има најави и за проширување на инфраструктурните капацитети на Универзитетот“, ова го истакна меѓу другото ректорот на УГД, проф. д-р Дејан Мираковски, во предновогодишното интервју за универзитетските медиуми.
Во интервјуто ректорот откри и дека се планира изградба на нов објект на Факултетот за медицински науки кој ќе биде во рамките на Клиничката болница во Штип, објектот ќе биде со површина од 5 илјади метри квадратни.
Годината што измина ректорот ја оцени како продуктивна, а за следната година истакна дека новиот меѓународен проект со европската алијанса на универзитети ќе ги опфати скоро сите вработени и сите студенти.
Целото интервју погледнете го во продолжение.
