Конкурс за студенти од додипломски и магистерски студии на Универзитетот „Св. Кирил и Методиј“ во Скопје, Универзитетот „Гоце Делчев“ – Штип, Универзитетот „Св. Климент Охридски“ во Битола и Универзитетот на Југоисточна Европа.
Краен рок за поднесување: 5 декември 2023 г.
Награди: Трите најдобри есеи ќе добијат ваучери за ИТ опрема.
Проектот за зајакнување на владеењето на правото и човековите права во Северна Македонија III, има за цел да го унапреди владеењето на правото и човековите права преку имплементација на важечките меѓународни стандарди и заложбите на ОБСЕ во областа на судството и основните права, во согласност со стратешките приоритети на Северна Македонија. Проектот се однесува на различни предизвици во доменот на судската независност и непристрасност, кривичната правда, антикорупцијата, антидискриминацијата, родовата еднаквост и основните права во Северна Македонија, како што се идентификувани во различни владини политички документи и меѓународни експертски проценки.
По успешното завршување на серијата мастер-класови за борба против корупцијата, организирани во соработка со четири национални универзитети (Универзитет „Св. Кирил и Методиј“ во Скопје, Универзитет „Гоце Делчев“ – Штип, Универзитет „Св. Климент Охридски“ во Битола и Универзитетот на Југоисточна Европа), како и покажаниот ентузијазам од страна на студентите и со цел дополнително да се поттикне активен антикорупциски ангажман, Мисијата на ОБСЕ во Скопје организира натпревар за пишување есеј за студенти.
Конкурсот за есеј беше инспириран од ентузијазмот на студентите кои присуствуваа на антикорупциската мастерклас – активност која им овозможи инспиративни предавања од десетина антикорупционери, научници и активисти. Авторите на трите најдобри есеи ќе добијат ваучери за набавка на ИТ опрема.
Конкурсот ќе биде отворен до 5 декември 2023 година.
Есеите треба да покажат солидно разбирање за сложената природа на корупцијата и потребата да се дадат реални идеи за тоа како да се намали корупцијата.
Авторите треба да дадат еден или неколку аргументи поврзани со избраната тема за анализа, кои треба да се елаборираат и поткрепат со некои веродостојни извори од академската, правната или политичката литература. Така, авторите се охрабруваат да го претстават своето мислење, но треба да се погрижат таквото мислење да се заснова на веродостојни и убедливи докази.
Есеите треба да бидат напишани на добро структуриран и јасен начин, со соодветна употреба на јазикот.
Есеите треба да се засноваат на една од следниве општи теми:
- Корупција: проблем на културата или институциите;
- Корупција и избори;
- Корупција и јавни набавки;
- Корупција и пол.
Овие теми служат како општа насока и авторите се слободни да развијат свои есеи на поконкретен начин сѐ додека тие се во согласност со една од четирите општи теми.
Есеите ќе бидат анонимно оценувани од комисија за евалуација од тројца професори, кои ќе ги оценуваат есеите според следниве критериуми:
- Тема и релевантност на есејот (макс. 25 поени);
- Креативност и оригиналност на предложените аргументи и решенија (макс. 25 поени);
- Аргументација и употреба на докази и извори (макс. 25 поени);
- Јазик, структура и јасност (макс. 25 поени).
Есеите треба да бидат напишани на англиски јазик, користејќи Times New Roman, големина на фонтот 12 и растојание од 1,5 и треба да бидат долги од 1400 до 1600 зборови (3 страници).
Подолгите есеи нема да бидат земени предвид. Есеите мора да бидат оригинални дела на авторите. Секој знак на плагијат (вклучувајќи го и користењето на Chat GTP) ќе биде санкциониран со дисквалификација од натпреварот.
Инфо сесија
За заинтересираните студенти, Мисијата на ОБСЕ во Скопје ќе организира онлајн инфо сесија, со попрецизни упатства како да се подготви натпреварувачки есеј, една недела пред крајниот датум за испраќање на есеите. За да добиете информации за точното време и датум за сесијата и зум линк, ве молиме испратете е-пошта на Svetlana.Crvenkovska@osce.org и наведете ги вашите информации за контакт.
Процес на аплицирање
Упатствата за Конкурсот за есеј се достапни и на македонски и на албански јазик. Авторите треба да ги испратат своите есеи на Svetlana.Crvenkovska@osce.org до 5 декември 2023 година во PDF.
Со цел да се помогне процесот на анонимна евалуација, авторите треба да го наведат своето целосно име и презиме и името на универзитетот во текстот на е-поштата, но не треба да го ставаат своето име во документот за есеј.
Инфо на:
Линковите за Конкурсот за есеи на веб, Твитер и ФБ.
Essay writing competition for university students | OSCE
(19) OSCE_Skopje on X: “Our Mission, in collaboration with the 4 national universities, invites students to participate in an essay writing competition on the topic of #anticorruption! Instructions ➡️ https://t.co/GvwnqzmeXO” / X (twitter.com)
