Во рамки на програмата за обука под наслов „Иницијатива за идни научници“, наменета за средношколци – матуранти, Универзитетот „Гоце Делчев“ во Штип организира бесплатни часови за матурантите за предметите: Математика, Физика, Хемија и Биологија.
На часовите ќе бидат работени содржини согласно со потребите и интересот на учениците. Часовите од предметот Математика ќе имаат за цел да им помогнат на матурантите за подобри резултати од полагањето на државната матура.
Часовите ќе се реализираат во февруари, март, април и мај, во текот на 12 седмици, 2 пати седмично, во термини кои ќе бидат утврдени согласно со распоредот на часови на учениците кои ќе ги посетуваат, како и професорите кои ќе ги реализираат часовите. Часовите ќе ги реализираат професори од средните училишта, во соработка со наставници од Универзитетот „Гоце Делчев“ во Штип.
Часовите ќе се реализираат во просториите на Универзитетот „Гоце Делчев“ во Штип.
Се повикуваат учениците – матуранти од средните училишта да се пријават на еден од следните мејлови biljana.zlatanovska@ugd.edu.mk и marija.miteva@ugd.edu.mk. Во мејлот да бидат наведени следниве податоци: име и презиме на ученикот, училиште каде што учи, предмет за кој сака да посетува часови и телефонски број или e-mail адреса за контакт.
Краен рок за пријавување: 5 февруари 2025 година.
Напомена: минималниот број на ученици за формирање на група по еден предмет е 20 ученика.
